O Gravador de Voz Sinxelo Pro

O Gravador de Voz Sinxelo Pro é o teu compañeiro diario para gravar momentos importantes. Grava reunións, notas persoais, aulas, cancións, e moito máis, sen límites de tempo nin anuncios!

Para estudantes

Grava aulas e conferencias con calidade clara, mesmo cando o profesorado non está xusto diante de ti. Escoita as gravacións tantas veces como queiras para axudarche a estudar para o teu próximo exame. Acelera ou ralentiza a reprodución, e salta as partes en silencio, para escoitar a un ritmo cómodo.

Sen límites de tempo e coa opción de escoller un formato comprimido, é doado gravar as aulas e conferencias máis longas.

Para negocios

Grava entrevistas e reunións desde o teu teléfono, tableta ou reloxo intelixente, e compárteas cos teus compañeiros e compañeiras a través do correo electrónico ou do teu aplicativo favorito de mensaxería. Aproveita os potentes trebellos e atallos para iniciar unha nova gravación xusto desde a pantalla principal.

Podes mesmo activar a subida á nube para gravar notas de voz de camiño ao traballo e recibilas automaticamente no teu portátil.

Para músicos/as e para todas as persoas

Con moitas opcións para afinar a gravación, o aplicativo é xenial para ensaios e para captar as melodías que che veñen á cabeza. Proba novas ideas rapidamente, escoita os resultados e fai axustes nunha nova toma.

Cambia rapidamente entre notas de voz, reunións e conferencias, ou música e son en bruto, con configuracións e axustes preestablecidos, fáciles de usar.

Funcións exclusivas do Pro (dispoñibles en dispositivos compatibles):

- Sube automaticamente novas gravacións ao teu Google Drive ou Dropbox.
- Grava en MP3, FLAC e AAC, ademais de todos os formatos dispoñibles na versión de balde.
- Transcribe gravacións sen límites de tempo.
- Grava usando un micrófono Bluetooth.
- Recorta as gravacións e elimina as partes non desexadas co modo de edición.
- Xestiona e organiza as túas gravacións con cartafoles.
- Inicia unha gravación desde calquera lugar usando a barra de notificacións.
- Funcións adicionais: sen anuncios, gravar en estéreo, importar e converter ficheiros, omitir silencios ao gravar, aumentar o volume, taxas de bits personalizadas, temas adicionais, facer vídeos e máis.

E ademais, todas as funcións da versión de balde:

- Grava en PCM e MP4 de alta calidade, ou usa AMR para aforrar espazo.
- Transcribe gravacións a texto de xeito privado no teu dispositivo (beta). Funciona en inglés, español e portugués.
- Inicia rapidamente unha nova gravación con trebellos e atallos, e grava en segundo plano.
- Comparte gravacións facilmente a través do correo electrónico ou do teu aplicativo favorito, ou usa unha delas como ton de chamada.
- Busca e ordena as túas gravacións.
- Compatibilidade con Wear OS: grava desde o teu reloxo intelixente. Inicia rapidamente unha nova gravación co mosaico de reloxo incluído.
- Temas claros e escuros, compatibilidade con TalkBack, e moitas outras funcións interesantes.

O Gravador de Voz Sinxelo é exactamente o que o seu nome indica: un gravador de audio e de son doado de usar. Fiable, rápido e flexible, adáptase ás túas necesidades.

Necesitas axuda?

Ten en conta que o Gravador de Voz Sinxelo non é unha gravadora de chamadas e non pode gravar chamadas telefónicas na maior parte dos teléfonos. Polo de agora, a transcrición non é compatible con dispositivos de 32 bits. Se tes algún problema, contáctanos en support@digipom.com. Estamos sempre encantados de axudarche.

Termos de Uso

Termos de Uso: https://www.digipom.com/end-user-license-agreement-for-applications/
Política de privacidade: https://www.digipom.com/privacy-policy-for-applications/